Guneari buruz
Eraikina
AUDITORIOA
Eraikinak duen espaziorik handiena da auditorioa. 500 pertsonako aforoa dauka eta dituen baliabide tekniko onei esker, era desberdineko programaziora moldatzeko aukera eskaintzen du.
EKITALDI ARETOA
200 pertsonako aforoa duen egitura modernoko aretoa da. Soinu, argi eta bideo ekipamenduez hornitutako eszenatoki bat du. Ikusleentzat prestaturiko aulkiak mugitzeko aukera dago, era horretan behar desberdinak asetzeko egitura egokiak lortzen dira, esaterako, enpresa bilerak, aurkezpenak, kontzertu mota desberdinak…
ERAKUSKETA GELA
Urtean zehar gutxi gorabehera hilabeteko iraupena izaten duten erakusketa desberdinak antolatzen dira areto honetan. Bertan Euskal Herriko zein atzerriko artisten lanak ikus daitezke, bakarkakoak zein taldean eginak, teknika desberdinekin egindako lanak, esaterako, argazkiak, marrazkiak, eskulturak…
ARETOEN ALOKAIRUA
Bastero Kulturguneko aretoak leku aproposak izan daitezke hitzaldi, aurkezpen edo ekitaldi bereziren bat antolatzeko. Alde batetik, aretoak berak, dituzten baliabide tekniko egokiei esker, mota desberdineko ikuskizunei aurre egiteko oso ongi prestatuak daude, eta bestetik, oso ondo komunikatua dagoen eraikina da, kotxez etortzeko N-1aren irteeratik gertu, doako aparkalekua ondoan, trenaren geltokia ere oinez 5 minutura dago eta Lurraldebuseko linea desberdinen geltokia ere bertan dauka.
Erabili daitezkeen guneak edo aretoak
| Auditorioa | 500 eserleku |
| Ekitaldi aretoa | 200 eserleku |
| Erakusketa gela | 156 pertsona |
| Bilera gela | 10-12 eserleku |
| Entsegu gela |
