Greziako Jainkoek, Olinpo mendiaren gailurretik gizakien bizitzak gobernatzen zituzten. 
Beraiek erabakitzen zuten gizakiak babestu edo baztertuko zituzten, eta, hala, eragin 
nabarmena zuten pertsonengan. Batzuk, hala ere, Jainkoen apetak desafiatzera ausartu 
ziren, eta, hala, beren haserrearen biktima bihurtu. Halaxe gertatu zitzaion Ulisesi. 
Poseidon Jainkoaren semea itsu utzi zuenean, Jainkoa iraindu egin zen eta Itakara itzultzea 
galarazi zion; Mediterraneo itsasoan noraezean utzi zuen. Ulisesen istorioa bidaia baten 
istorioa da. Bidaia baita, azken finean, bizitzaren metafora, zailtasunen kontrako borrokaren 
eta zailtasunak konpontzeko moduaren isla. Peripeziaz eta jolasez betetako bidaia, non 
ekintza eta eszena bakoitza unibertso oso bat bihurtzen den.