Sortzailearen ekoizpena –marrazki, argazki eta bideo– norberaren larrialdi pertsonal eta politikoaren fruitu izateak ematen dio, emaitzari, obra orok ezinbesteko duen zentzua. MTUren eskulturak (ohi ez bezalako zaintzapetik erreskatatu ondoren), nahiz joan den milurtekoaren amaieran egindako marrazkiak, binetak eta bideoak Miel Oyarzabalen proposamenik heterogeneoenekin batera egongo dira ikusgai, Basteroko erakusketa aretoa artikulatu eta aktibatzeko ahalegin espekulatiboan.